சவிதா
சவிதா நிஷாத் , சத்தீஸ்கர்
"நன்றாக சம்பாதிப்பது முக்கியம், உங்களுக்காக மட்டுமல்ல, அப்போதுதான் மற்றவர்களுக்கும் உதவ முடியும்"
சத்தீஸ்கர் மாநிலம் மகாசமுந்தைச் சேர்ந்த சவிதா நிஷாத் (27) என்பவரிடம் பேசியபோது, அவர் தனது 35 பேர் கொண்ட கூட்டுக் குடும்பத்துடன் தீபங்கள் மற்றும் வாணவேடிக்கைகள் மற்றும் அனைத்து கோலாகலங்களுடன் உடன் தீபாவளியைக் கொண்டாடி முடித்திருந்தார். "நான் பட்டாசுகளைப் பார்த்து பயப்படுகிறேன், ஆனால் என் பயத்தை வெல்ல நான் இன்னும் அவற்றை வெடிக்கிறேன்," என்று அவர் எங்களிடம் கூறினார். இது சவிதாவின் உறுதியான உணர்வைப் படம்பிடித்துக் காட்டும் அறிக்கை. 80 சதவீதம் உடல் ஊனமுற்ற ஒரு நபராக, "என் வாழ்க்கை முழுவதும் ஒரு போராட்டமாக இருந்தது. இன்று என்னிடம் உள்ள எல்லாவற்றிற்காகவும் நான் போராடியுள்ளேன்."
சவிதா மூன்று உடன்பிறப்புகளில் இளையவர். அவர்களின் தந்தை ரயில் நிலையத்தில், ரயில்களில் சரக்குகளை ஏற்றி இறக்கும் பணியில் ஈடுபட்டுள்ளார். எதிர்பார்த்தது போலவே கிராமத்துப் பள்ளியில் அவளைப் போன்ற மாணவர்களுக்குச் சிறப்பு வசதிகள் எதுவும் இல்லை. "படிக்கட்டுகளில் ஏறுவது எனக்கு கடினமாக இருந்தது," என்று அவர் நினைவு கூர்ந்தார். அவரது சகோதரி கவிதா முழுதும் அவருக்கு பக்கபலமாக இருந்தார், ஆனால் பாகுபாடு என்பது அவர் சொந்தமாக போராட வேண்டிய ஒன்று. அவர் எங்களிடம் கூறுகிறார்: "எனக்கு நண்பர்கள் யாரும் இல்லை. ஸ்கூல்ல யாருமில்லை, காலேஜ்ல யாருமே இல்லை." மாற்றுத் திறனாளிகளுக்கு எதிரான சமூகத்தின் பாரபட்சங்களை அவர் அனுபவித்துள்ளார், ஆனால் நேர்மறையான மாற்றங்களையும் கண்டுள்ளார். "முன்பெல்லாம், நாங்கள் ஒருபோதும் இல்லாதது போல் மக்கள் நடிப்பார்கள். நாங்கள் அவர்களின் கவனத்திற்கு வரும்போது, அவர்கள் எங்களை அவமதிப்பார்கள், அது காயப்படுத்தும். ஆனால் கல்வி மற்றும் விழிப்புணர்வால் இப்போது விஷயங்கள் மேம்படுவதாக நான் உணர்கிறேன்."
சவிதா கல்லூரியை தொடங்கிய பிறகுதான் சக்கர நாற்காலி பயன்படுத்த தொடங்கினார். மகாபிரபு வல்லபாச்சார்யா கல்லூரியில் பட்டம் பெற்ற இவர், 2020 ஆம் ஆண்டில் இந்தியில் எம்.ஏ முடித்தார். "வீட்டில் நான் எனது சக்கர நாற்காலியைப் பயன்படுத்துவதில்லை," என்று அவர் விளக்குகிறார், "ஏனென்றால் உடலுக்கு தொடர்ச்சியான உடற்பயிற்சி தேவைப்படுகிறது. அது பராமரிக்கப்பட வேண்டிய இயந்திரம் போன்றது!" இருப்பினும், அவர் தனது சக்கர நாற்காலியை வேலையில் பயன்படுத்துகிறார்; ஒரு மாதத்திற்கு முன்பு, அவர் உள்ளூர் RLC Multispeciality Hospitalயில் கணினியில் data entry வேலையைப் பெற்றார்.
தன்னிறைவு பெற வேண்டும் என்ற உறுதியுடன், சவிதாவில் பரோபகார மனப்பான்மையும் வேரூன்றியிருக்கிறது. சமூகப் பணிகளில் தன்னை ஈடுபடுத்திக் கொண்ட அவர், ஊனமுற்றோர் சமூகம் மட்டுமல்லாது பிற தேவையுள்ள நபர்களுக்கும் அவர்களின் அரசாங்க அடையாள அட்டைகள் மற்றும் ஆவணங்களைப் பெறுவதற்கும், பல்வேறு அரசாங்கத் திட்டங்களைப் பற்றி அவர்களுக்குத் தெரிவிப்பதற்கும் உதவும் உன்னதி மாற்றுத் திறனாளிகள் சங்கத்தில் சேர்ந்தார். அவர் நிறைய ஊக்கமளிக்கும் வீடியோக்களைப் பார்க்கிறார். "அவர்கள் என்னை ஊக்கப்படுத்துகிறார்கள், குறிப்பாக சோனு ஷர்மா (அவரது சொந்த யூடியூப் சேனலில் ஒரு ஊக்கமளிக்கும் பேச்சாளர்). மற்றவர்களுக்கு ஊக்கமளிக்கும் முயற்சியில், தனது ஓய்வு நேரத்தில் தனது சொந்த "வேடிக்கையான மற்றும் ஊக்கமளிக்கும்" படங்களை வெளியிடுவதன் மூலம் அவர் அதை 'முன்னோக்கி செலுத்துகிறார்'.
2022 ஆம் ஆண்டில் சத்தீஸ்கர் அமைச்சர் அமர்ஜீத் பகத்தின் கைகளால் ராய்ப்பூரில் நடந்த நாரி சக்தி உச்சிமாநாட்டில் விருதைப் பெற்ற 100 'சாதனையாளர்கள் பெண்களில்' சவிதாவும் ஒருவர். 2023 மார்ச் மாதம் ஸ்ருதி அறக்கட்டளை மற்றும் ஸ்ரீ சங்கராச்சாரியார் மகாவித்யாலயாவால் சத்தீஸ்கரின் மாற்றுத்திறனாளிகளுக்கான முதல் fashion show ஏற்பாடு செய்யப்பட்டபோது, அவர் ஆர்வத்துடன் பங்கேற்றார், மேலும் ரன்னரும் ஆனார்! "நான் எப்போதுமே ஃபேஷனில் ஏதாவது செய்ய விரும்பினேன், ஆனால் ஒருபோதும் வாய்ப்பு கிடைக்கவில்லை," என்று அவர் கூறுகிறார். 2023 ஆம் ஆண்டில் நயிகா சம்மான் என்ற இந்தி செய்தித்தாளில் இருந்து நாயக சம்மான் விருதைப் பெற்றார். சமூகத்திற்கு பங்களித்த பெண்களுக்கு இந்த பத்திரிகை ஆண்டுதோறும் வழங்கும் விருது இது. மற்றவர்களுக்கு உதவுவதற்கும், உத்வேகமாக இருப்பதற்கும் அவர் ஆற்றிய பணிக்காக அவருக்கு இந்த விருது வழங்கப்பட்டது.
"நான் இசையை நேசிக்கிறேன், நன்றாகப் பாட முடியும்" என்று சவிதா எங்களிடம் கூறுகிறார். இவர் மாவட்ட அளவிலான நிகழ்ச்சிகளில் பாடியுள்ளார், தேசபக்தி பாடல்கள் அவருக்கு விருப்பமான பிரிவாகவும், "உட்டோ ஜவான் தேஷ் கி வசுந்தரா புகாரி" அவருக்கு மிகவும் பிடித்த பாடலாகவும் உள்ளது. எவ்வளவோ சாதனைகள் செய்தும், அவளுக்குள் இன்னும் நிறைவேறாத ஒரு இயல்பான, ஆழமான ஆசை இருக்கிறது. "எப்போதும் எனக்காக இருக்கும், என் மீது அக்கறை கொண்ட, நான் விரும்பும் அனைத்து அன்பையும் வழங்கும் ஒரு வாழ்க்கைத் துணையை நான் விரும்புகிறேன்."
சவிதா தனது வாழ்க்கையின் தாரக மந்திரம் "தேவைப்படுபவர்களின் முகத்தில் புன்னகையை வரவழைக்கும் அளவுக்கு ஒருவர் வெற்றி பெற வேண்டும்" என்று கூறுகிறார். முகத்திலும் புன்னகையை வரவழைக்கும் அன்பான துணையை கண்டுபிடிப்பதில் அவர் வெற்றி பெறுவார் என்று நம்புகிறோம்!